2013/05/29

نجوم سورية وكلمة حب لأمهاتهم ..
نجوم سورية وكلمة حب لأمهاتهم ..

ليس هناك أصدق من كلمة يوجهها الإبن لأمه ولا مشاعر أجمل وأرق من تلك التي تجمع الأم بأبنائها،   ,وفي عيد الأم جمع موقعنا بوسطة أجمل الكلام من نجوم سورية التي وجهوها لأمهاتهم وأمهات سورية  في هذا العيد ..

خاص بوسطة – ديانا الهزيم

النجمة هبة نور:


"الله يخليلي ياكي يا أمي ويحميكي والله يعوضك عن كل لحظة حزن عشتيها بحياتك"

النجم خالد القيش:


"إلى أمي العظيمة والجبارة أقول كل عام وانتي بألف خير ضحيتي كثيراً لأجلنا وأنصفتنا جميعنا .. الله يخليلنا ياكي".

النجمة لينا كرم:


"بقول كل عام وانتي بخير يا ماما والله يخليلنا ياكي ويطول بعمرك وتبقي شمعة منورة بحياتنا"

النجمة جيني اسبر:

"ماما انت دايما غالية وهلأ حسيت بغلاوتك لما قربت صيرأم وبتمنى وطني الأم سوربا عايدو برجوع السلام والأمان لربوعه"

النجم علي سكر:


"كل عام وانت بخير يا أمي والله يخليلنا ياكي وتضلي فوق راسنا وإذا انا توقفت بشي بحياتي بكون بفضل رضاكي انت وبابا الله يحميكون وبعايد أغلى أم سورية وكل أم سوريّة".

النجمة امارات رزق:


"كل عام وانتي بخير يا ماما وتيخليكي فوق راسنا وتضلي حاملة همنا وهم الأولاد كلون .. وانشاء الله نقدر نوفيكي شي من اللي عملتيه"

النجم أيمن عبد السلام:

"يصطبغ عيد الأم هذا العام باللون الأحمر، لكن هذا لن يبعدنا عن إغنائه بكلمة مواساة ومعايدة مناسبة وتحية كبيرة للأم السورية الكبيرة بكل ما تحمله الكلمة من معنى".

النجمة مرام علي:


"أمي هي سورية وما دامت سورية بخير .. أنا بخير وأنا أعايد أمي سورية قبل أن أعايد أمي .. ولوالدتي أقول .. الله يخليلنا ياكي يا رب".

النجمة لورا أبو اسعد:


"شكراً لأمهات سوريا اللواتي علمن أبناءهن قيمة الوطن ، وكل عام وأمي الجريحة سوريا بألف خير، وكل عام وأمي حبيبتي بألف ألف خير" .