2021/06/05

بوسطة - متابعة

على مدار 35 حلقة عُرضت من مسلسل "الكندوش" ( تأليف حسام تحسين بيك، إخراج سمير حسين) كانت الفنانة كندا حنا عرضة للكثير من انتقادات الجمهور الذي وصف أداءها لشخصية أمل في المسلسل بالبرود، وأن صمتها في معظم المشاهد غير مبرر.

الأمر الذي دفع كندا لكتابة رد لاذع للجمهور في خاصية الستوري عبر حسابها الشخصي على انستغرام جاء فيه: "هاد التجييش على السوشال ميديا صار مكشوف، اليوم صاروا كتير من الناس عاملين حالهم نقاد وهني مجرد أشخاص بيتخبوا تحت اسم صفحات وبهاجموا الفنانين لصالح ومقابل مدح فنانين آخرين، نزلوا عن كتافنا" وأضافت في ردها: "بس بدك تقلل أدب منشان تطلع على كتافي أنت وغيرك في طرق تانية للنجاح أنك تتعب على حالك بجد، مو تمسح جوخ للفنانة يلي عاطيتك وجه، والفنانة يلي ما عندها وقت لعلاكك تقلل أدب عليها.. مو بس الدراما السورية فيها مشاكل، صدقوا المشاكل صارت بعقول البشر، لا الدراما دراما، ولا النقد نقد، وكل مين بيحكي اللي هو حابب يصدقو، وكلو بيركض على مصلحتو بعدين بدو يجي يعطيك محاضرات شو لازم تعمل".

اليوم وبعد مرور شهر على هذا التصريح، خرجت كندا بتصريح آخر، حول انتقاد شخصيتها في الكندوش، جاء بعد لقاء لكاتب العمل حسام تحسين بيك ضمن برنامج ETبالعربي، صرح من خلاله بأنه لم يرَ ما كتبه في الورق على الشاشة، وبأن المخرج سمير حسين أخطأ في معالجة بعض خطوط العمل، وبدا تصريح كندا الجديد أقل حديّة من السابق، حيث نشرت صورة وفيديو يجمعانها بالفنانين حسام تحسين بيك وصباح الجزائري من كواليس تصوير مسلسل الكندوش، وعلقت عليهم بالقول: "كتير كان في انتقاد لشخصيتي أمل بصمتها الغير مبرر والقطعات الغير مبررة الها، كنت متلكن حاسة بزعل، كل الانتقادات الصادقة لي تعرضت الها الشخصية اخدتها بعين الاعتبار وأكيد زعلت، بس اليوم حضرت لقاء النجم وكاتب العمل حسام تحسين بيك ‎على برنامج ET بالعربي، فرحت انو هو كمان شايف متلنا وانو حالة النص مابتشبه الشي لي نعرض، ومو غلط أبداً الإنسان أنو يجرب أحياناً وما تظبط توقعاتو هاد طبيعي، بس الأهم نتعلم من لي صار ونقدر نشتغل على مشروعنا بالطريقة الصحيحة لحتى نعمل تغير"، وأضافت: "يمكن أحياناً بكون هاد الطريق الوحيد حتى تبلش تتغير الأمور، انشالله بالجزء الثاني نعمل عمل متكامل ونقدر نوصل لقلوب الجميع.. كل المحبة والتقدير".