محمد حداقي: رشا شربتجي "بتعرف شو بدها".. والدراما السورية صوت مجتمعنا!

الخميس، ٣١ تموز ٢٠٢٥

كشف النجم السوري محمد حداقي خلال حلوله ضيفًا على برنامج المنتدى، عن ملامح تجربته في عالم التمثيل، وتأثير الدراسة الأكاديمية على أسلوبه، كما تحدث عن علاقته الخاصة بالمخرجة رشا شربتجي، ورؤيته لمسؤولية الفنانين تجاه الدراما السورية.

جمال سليمان فتحلي بوابة التمثيل الحقيقي

قال حداقي إن المفهوم الأولي للتمثيل تغيّر جذريًا بالنسبة له خلال دراسته في المعهد العالي للفنون المسرحية، حين كان الفنان جمال سليمان أحد أساتذته"هو اللي خلاني فكر بطريقة مختلفة، كنت شايف التمثيل مجرد فعل على المسرح يعجب الناس، بس بعدو صرت شوفه شيء أعمق... عقلاني ومحمول ذاتيًا".

الممثل لازم يكون جاهز لأي حالة

أوضح حداقي أنه لا يؤمن بتقسيم الأدوار حسب التصنيفات مثل الكوميديا أو التراجيديا، مؤكدًا أن الممثل الحقيقي يجب أن يمتلك أدوات جاهزة لأي نوع من الشخصيات:

> "هاد التنوع يخص النصوص، مش التمثيل. شغلتي كممثل إني طلّع الشخصية من الورق وأعطيها حياة".

مشاعر الممثل تحت الضغط

ولم يُخفِ حداقي التحديات النفسية المرتبطة بمهنته، خصوصًا في التنقل السريع بين المشاعر المختلفة: "في شخصية بدنا نفرح ونرقص، وبالتانية لازم نبكي وننضغط... هاد اللعب بالمشاعر بيترك أثر، وبيصير مع الوقت مرض نفسي".

رشا شربتجي… شراكة فنية وصداقة

وتحدث محمد عن علاقته الخاصة مع المخرجة رشا شربتجي، مؤكدًا أن بينهما تناغم واضح: "هي بتعرف ليش عم تعطيني دور معين، وأنا من أول ما تبعتلي النص بعرف شو بدها. اشتغلنا كتير سوا، وصرنا أصدقاء".

الدراما السورية مسؤولية

وختم حديثه برسالة قوية، أكد فيها أن الدراما السورية ليست مجرد ترف، بل ضرورة اجتماعية: "نحنا كصناع دراما ما منقبل إلا تكون أعمالنا ناطقة باسم مجتمعنا، لأن الدراما هي اللي خلت صوتنا يوصل للعالم العربي، ومنرفض نتراجع عن هاد الدور".